點解要公關?

子華神講過:「做人無公關,食屎架喇」,只要有機會面對大眾,無論係公眾人物還是企業就一定需要公關。公關(Public Relations)點做有好多方向同手法,但必定圍繞緊個人或者企業嘅形象。公關喺塑造輿論同良好嘅品牌形象,發揮重大作用,唔止有助提高商譽同競爭力,甚至可以凝聚團隊以及品牌核心價值。相反,即使產品幾吸引,一旦喺大眾心目中留低不良印象,品牌亦會受到負面影響。

公關=廣告?

「我哋公司平時有落廣告㗎喎,咁即係有做開PR啦!」

雖然兩者的確有相似之處,例如都要面對潛在顧客,但首先要記住,廣告並不等同於公關。

公關:向媒體及潛在客戶分享有價值嘅新聞和見解,與他們建立關係,甚至組成社群Community

廣告:面對市場推銷產品或服務,用語同內容一般具有明確號召性

再簡單啲總結,PR目的係Communication聯繫,廣告專注Action行動,係有本質上嘅差別。嚟緊論衡會帶嚟一系列公關基本知識,下一篇文章就會介紹「起手四式」,Follow我哋了解更多PR Tips!